Python (boros tokud)

Python (dmto. 'lopung') nopo nga' iso boros tokud topong akaas om kiguno poinggayo. Woyosorou pomotuan dau lobi monginsok do komilodoguan do hisok miampai ogumu ponginsiran (indentation). Winonsoi di Guido van Rossum o boros tokud diti di tulivot 80on id Centrum Wiskunde & Informatica (Longkod Simbakuro om Sidkopoilaan) id Nidolon.

Python nopo nga' mongimuai-kawo dontuzat (dynamically type-checking) om momuhu-rinomos (garbage collected). Sokodungon nogi ogumu pamamaal ponokudan, poingampai donponuhuan (procedural), tanudkotos (object-oriented), om donpampos (functional).

Kinilou om Woyosorou

Boros tokud nokomoi mamakai do pongimuayan kawo, om rinuhangan do pongintaban suku (reference counting) om iso pomuhu rinomos kopiuman-galung (cycle-detecting garbage collector) koponguludan do tandaman (memory). ^[1] Gunoon nogi di Python ponguyadan ngaran dontuzat (dynamic name resolution), i kopogisompuru do ngaran wayaan om osimban namot panau do nundar (program).

Nogi, taranon di pomotuan dau piipiro sakadai ponokudan donpampos (functional programming) maya do koubasanan Lisp (iso kaagu boros tokud). Haro dau pampos filter (sarak), map (tondos), om reduce (kuriai); pangahagan rayat (list comprehension), wakid (sets), om pomoros pomorun (generator expressions).

Nointigas o woyosorou lugu do boros tokud nokomoi id Zen of Python (PEP20) poingampai o tiilihan (aphorisms) poomitanan:

Mogot olumis ko' oita.
Mogot poindarampak ko' poingkinogos.
Mogot ointigas ko' obolit.
Mogot obolit ko' omungkang.
Kitahang komilodoguan.

Sukuon

↑ "Extending and Embedding the Python Interpreter: Reference Counts" (id boros Inggilis). Docs.python.org. Pinoopi mantad sanḏad ontok 18 Gumas 2012. Linoyog ontok 5 Mahas 2020. Tu' gunoon di Python asaru kopio o malloc() om free(), nuru ponokuan do mongilag koiduan tandaman (memory leak) om nogi pomogunaan tandaman pinoiliu (freed memory). Woyo di nopili nopo nga' roitan do reference counting.

[Reference_counting-1] "Extending and Embedding the Python Interpreter: Reference Counts" (id boros Inggilis). Docs.python.org. Pinoopi mantad sanḏad ontok 18 Gumas 2012. Linoyog ontok 5 Mahas 2020. Tu' gunoon di Python asaru kopio o malloc() om free(), nuru ponokuan do mongilag koiduan tandaman (memory leak) om nogi pomogunaan tandaman pinoiliu (freed memory). Woyo di nopili nopo nga' roitan do reference counting.

[1]